http://nchiedive.multiply.com/ , 8 Mei 2008

Assalamu'alaikum wr. wb.
Dunsanak Minang Nchie nan dirahmati oleh Allah Ta'ala.
InsyaAllah di bawah ko nchie ingin mambuaek puisi nan nchie agiah judul...


: : : : : : : : :JADILAH URANG MINANG NAN "KAFFAH": : : : : : : : :

Untuak Minang kami nan tacinto,
Bundo Kanduang kami nan taibo.
Panduduak nan samestinyo manjago,
namun bantuak sarupo mahino...???

Memang pandapek ko indaklah untuak kasadonyo,
tapi baa pulo caro mamilahnyo kok bantuak itu adonyo...!?
Di kampuang apo lai di kota samo se parangainyo,
marangeh sok ba-Jakarta-jakarta-an awak lo kapado sasamo karabaiknyo...!?

Masya Allah...!!!

Caliak lah banyak dunsanak kito nan kini supo tabedo
buruak pandia malagak supo indak pandai lai jo bahasonyo...!?
Baitu pulo panyampaian namo tampek jo tulisan nan babedo
ado lo Parak Karambia manjadi Parak Kerambil dek nyo...!?

AstagfiruLlah...!!!

Manga indak bangga jo paninggalan niniak muyang kito nan lamo
bukankah adaik jo budaya Minang kito indak lo kalah santiangnyo...!?
Manga pulo nyo malah mamiliah kapado nan "urang punyo",
indak sadarkah baso nan supo itulah caro urang kapia manyasekan kito...!?

Na'udzubiLlah...!!!

Wahai urang Minang dunsanak Nchie nan tacinto
sadarilah basonyo adaik jo budaya Minang adolah karunia-Nyo
Untuak itu marilah kito baliak ka "khittoh" Minang kito,
"kaffah"lah manjadi rang Minang, sabalun nagari kito tagadai pulo.
---ooOOoo---

Puisi ko dibuek dek karano kaprihatinan (nchie nan bangga sarato mansyukuri rahmat Allah Ta'ala) kapado nagari nan banamo MINANGKABAU...
Samoga dunsanak nchie nan lainnyo, lai tabaok pulo kapado nasihaik nan (insyaAllah) bayiak adonyo ko, amin Allahumma amiin...

WabiLlahi taufik wal hidayah;
Wassalamu'alaikum wr. wb.
NchiedIVe,---
(Gadih nan layia jo gadangnyo aseli di Jakarta, namun insyaAllah baitu bangga manjadi gadih Minang...!!!)